Donostiak Turismo Helmuga Adimenduaren bereizgarria berrituko du FITURen

Astelehena, 20 Urtarrila 2025

Donostiak 2024ko abenduan berriro gainditu ditu DTI metodologiak eskatzen dituen baldintzak. Horregatik, berriro ere, 'Destino Turistiko Adimenduna' izendatu dute. Aitorpen hori 2025eko urtarrilaren 23an, osteguna, entregatuko da ofizialki, 16:45ean, Fitur Know-How & Export auditorioan, 10. pabiloian. Ekitaldian, 60 bereizgarri emango dira guztira, Donostiari dagokiona barne.

Horrela, Donostia DTI eredua ezartzeko arrakasta handiena lortu duten helmugen artean jarraitzen du. Turismoaren garapenean abangoardian kokatu da, gobernantza, jasangarritasuna, irisgarritasuna, berrikuntza eta teknologia ardatz dituen etorkizunerako estrategia batekin.

Destino Turistiko Adimenduna zigilua lortzeko, helmugak DTI metodologiak ezartzen dituen baldintzak betetzeko %80ko puntuazioa, gutxienez, lortu behar du. 2022an, Donostiak DTI metodologiak ezartzen dituen baldintzen %83,1 bete zuen. Baldintzak berrikusi ondoren, 2024an, betetze maila %84,5era iritsi da.

Donostiaz gain, Espainia mailan honako helmuga hauek lortu dute helburu/bereizgarri hau: Bartzelona, Bilbo, Benidorm, Xixon, Malaga, Lloret de Mar eta Santander. Helmuga horiek turismo-helmuga adimenduntzat hartzen dira.

Prozesu metodologikoa Donostiak DTI diagnostikoa berrikusteko egindako eskaerarekin hasi zen, eta, ondorioz, ekintza plana eta DTI diagnostikoa gauzatzeko konpromisoarekin. Hala, eskaera hori onartzearekin batera, diagnostiko-faseari ekin zitzaion 97 betekizunen eta 261 adierazleren bidez. Horietan, helmugaren heldutasun-maila baloratu da, metodologiari dagokionez, eta, gainera, destinorako ekintza-plan bat dakarten gomendioen ‘feedback 'bat lortu da.

Aipagarria da Donostiako Helmuga Turistiko Adimendunaren Diagnostiko Txostena eta Ekintza Plana berrikusteko proiektu honetan aurreko txostenean erabilitako metodologia bera erabili dela, eta kudeaketa-sistemaren edo DTI plataformaren bidez egin dela.

Destino Turistiko Adimenduna zigiluak bi urteko balioa du eta berritzeko prozesu bat duenez, helmuga hobekuntza jarraituko duen prozesu batean murgilduta geratzen da. Horrek esan nahi du helburuak eta estrategiak berritu eta etorkizuneko ingurunearen beharretara egokitu behar direla, eta horrela, gobernantza, jasangarritasuna, teknologia, berrikuntza eta irisgarritasuna oinarri dituen DTI ereduari esker, helmuga baloratuagoa izatea lortuko dela.

DTI diagnostikoa entregatzeak estrategia eta plangintza faseari hasiera ematen dio, non ekintza plan horretan integratutako ekintzak gauzatzeko prozesua ezartzen den, lehentasunak ezartzen direnetik edo egutegiak ezartzen direnetik inbertsioak identifikatzen diren arte, beharrezkoa denean.

Donostiako Udala Helmuga Turistiko Adimendunen Sareko kide da 2019an eratu zen unetik, Udalak helmuga turistiko adimendunaren metodologia ezarriz azkenean gauzatu duen helmuga eraldatzeko apustuaren erakusgarri.

Helmuga turistiko adimendunaren programa

Turismo Helmuga Adimenduna programa Turismoko Estatu Idazkaritzak (SETUR) sustatutako proiektu bat da, eta Turismo Berrikuntza eta Teknologiak Kudeatzeko Estatuko Merkataritza Sozietateak (SEGITTUR) kudeatzen du. Programa horren helburua da helmuga turistikoen lehiakortasuna eta egoiliarren bizi kalitatea hobetzen laguntzea, bost jarduera eremutan eraginez: gobernantza, berrikuntza, teknologia, jasangarritasuna eta irisgarritasuna.

2012-2015eko Turismoaren Plan Nazional Integraletik sortutako ekimen honek berritasunak helmugetan azkar txertatzeko mekanismo egokiak sortzen ditu.

Helmuga turistiko adimenduna helmuga turistiko berritzailea da, abangoardiako azpiegitura teknologiko baten gainean finkatua, lurralde turistikoaren garapen jasangarria bermatzen duena, guztientzako irisgarria, bisitariaren eta ingurunearen arteko interakzioa eta integrazioa erraztuz eta helmugan duen esperientziaren kalitatea eta egoiliarraren bizi kalitatea hobetuz.

Helburu horiek lortzeko, DTI programak jarduera turistikoaren garrantzi unibertsala eta helmuga bakoitzaren ezaugarri bereziak kontuan hartzen dituen kudeaketa eredua ezartzeko bultzada ematen du. 97 eskakizun eta 261 adierazle dituen diagnostiko metodologia batean oinarrituta dago, eta horrek gomendio sistema bat, ekintza plan bat eta jarraipen sistema bat sortzen ditu. Elementu horiek guztiek osatzen dute ereduaren oinarria, eta horren bidez, destinoaren kudeaketa etengabe hobetzeko prozesua ahalbidetzen da, turismoaren gaurko eta etorkizuneko erronkei egokituz.

Donostiak ahalegin handia egin du, Udaleko eta Donostia Turismoko hainbat arloetako teknikariak ezinbesteko rola jokatuz. Haiek eman dute DTI baten ardatz nagusiak osatzen dituzten eskakizun eta adierazle guztiak ebaluatzeko beharrezko informazioa. Donostian egin den DTI berrikusketa prozesuan, Eusko Jaurlaritzako Turismo, Merkataritza eta Kontsumo Sailak, Basquetour, Euskadiko Turismo Agentziaren bidez, babesa eman du. Gainera, Udaleko eremu guztiek eta destinoaren sektore pribatuko eragileek ere parte hartu dute, berrikusketa horretarako beharrezko informazioa emanez.