Bidaiatzeko modu berrien aurrean, erantzun berriak

Gaurko Donostia ezin daiteke ulertu, turismoaren ekarpenari begiratzen ez badiogu. XIX. mendetik hartzen ditugu bisitariak, eta beti egin izan dugu harro eta atsegin handiz. Turismoari esker, hiri bizia dugu gaur, hiri handien mailako azpiegitura eta kultur-eskaintza dituena.

Hala ere, azken urteotan, mundu mailako turismoak gora egin du, eta gure hiriak arrakasta eduki du helmuga gustukoenen artean. Horren ondorioz, hiriko gune batzuen gaineko presioa hazi egin da, ohituta geundena baino areago.

Hori dela eta, Donostiarako nahi dugun turismo-eredua birpentsatzeko unea iritsi da. Eta herritarrak proiektuaren erdigunean jarrita egin behar da hori. Benetako hiria, biztaleentzako bizi-kalitatea duena, bisitarientzat ere erakargarria izango da.

Planteamendu horren isla da 2017-2021erako VISIT-BIZI 2017-2021erako Turismo Gida - Plana. Urtebete pasatxoan, sektoreko profesionalak, estamentu publikoak eta herritarrak elkarrekin aritu gara lanean, turismo berri jasangarriagoa, orekatuagoa, benetakoagoa eta kalitate handiagokoa sortzea ahalbidetuko diguten bideak ezartzeko xedez.

TURISMO ATSEGINAGOA GUZTIONTZAT.