13 enpresa berrik bat egin dute Donostia Turismoarekin
- Azteazkena, 29 Urtarrila 2025
2024ko abendutik 2025eko martxora bitartean, Donostia Turismoak nabarmen zabaldu du bere sare profesionala, gastronomia, merkataritza, moda, iraunkortasuna, kirola, kultura eta ekitaldien sektoreetako hamahiru enpresa berri gehituz.
Inkorporazio berrien artean dago Quera, Gironako egoitza duen bitxi eta erloju-denda entzutetsua. Mende bat baino gehiagoko familia-tradizioa duen enpresa honek goi-mailako piezak eskaintzen ditu, Donostiako turismo-eskaintza premium-a indartuz.
Modaren eta merkataritzaren alorrean, Loreak Mendiandendak, Donostian sortutako eta 25 urte baino gehiagoko ibilbidea duen streetwear markak, bertako identitatea proiekzio internazionalarekin uztartzen du. Pukas Surf Shop-ek, Europako surfaren ikonoak, hiriaren ospea sendotzen du nazioarteko surf helmuga nagusien artean. Ternua Brand House-k, 30 urte baino gehiagoko esperientzia duen enpresak, errendimendu handiko jantzi tekniko jasangarriak sortzen ditu, abentura bidaietarako eta eguneroko erabilerarako.
Noventa Grados enpresak hedatzen jarraitzen du erdiguneko Loiola kalean denda berri bat irekiz eta Alde Zaharreko establezimendua osatuz. Eguzkilore Bitxitegia bere diseinuekin euskal kulturaren inspirazioa ekartzen du, eta Leonidas txokolate belgikar premiumekin eskaintza gastronomikoa aberasten du.
Amarenak, 2016tik moda tradizional euskalaren berrinterpretazioan aritzen den Donostiako enpresak, bertako ehun naturalekin egindako kalitate handiko jantzi esklusiboak eskaintzen ditu, iraunkortasunarekiko konpromisoa nabarmenduz.
Zapore Jai ekitaldi gastronomiko paregabeekin eta esperientzia kulturalekin hiriko eskaintza aberasten du.
Inkorporazio berrien artean, baita ere, Urumea Eventos dago, Gipuzkoako Medikuen Elkargo Ofizialari atxikitako azpiegitura, entzunareto eta banatu daitekeen areto batekin.
Gastronomiaren arloan, bi establezimendu ospetsu berri gehitu dira. Tolosako Ama jatetxea, Michelin izar batekin saritua, Gipuzkoako sukaldaritza bikainaren adierazle nagusietako bat da. Bestalde, Hondarribiko Alameda jatetxeak, Michelin izar batekin eta Repsol bi eguzkirekin, bertako produktuan oinarritutako sukaldea eskaintzen du, Bidasoako zapore tradizionalak berrinterpretatuz Gorka Txapartegi sukaldariaren eskutik.
Azkenik, Donostia Turismoak Gipuzkoan duen eragin traktorea sendotuz, Euskal Kostaldeko Geoparkea bere sarean sartu da, bere ezaugarri geologiko eta biodibertsitate apartengatik nazioartean aitortutako erreferentea.
Inkorporazio berri hauekin, Donostia Turismoak aniztasunean, berrikuntzan eta kalitatean oinarritutako eskaintzaren aldeko apustua sendotzen du, hiria bisitari nahiz bertakoentzat hobetuz.