Donostia Turismo & Convention Bureauk eta Gipuzkoako Hotelek lankidetza-hitzarmen berria sinatu dute hiriko turismoa sustatzeko

Asteartea, 26 Apirila 2016

• Hitzarmenaren xedea da Donostiako eta lurraldeko jarduera turistikoa hobetzea
• Hitzarmenaren ondorioz, prentsa bidai gehiago antolatu ahal izango dira. Prentsa bidaiei esker, Donostia bidai rankingetan eta komunikabide ospetsuenetan agertzen da sarritan, nazioartean posizionamendua indartuz.
• Marketing ekintzetan kolaborazioa ere landuko da, irtenalditxoen erreserba tresnak hobetzeko, prestigiozko eragileak erakartzeko etab.

Donostian, 2016eko apirilaren 26an

Elkarlanerako hitzarmenari esker, hiriko turismoa sustatzeko helburuarekin 20 hotelek ehun gela baino gehiago eskainiko dituzte doan. Hiriaren promozioa sustatzeko eskaintzen zaizkie turismoko arduradunei ohe horiek, hainbat erabileratarako: fam trip-ak (eragile edo turoperadoreentzako familiarizazio bidaiak), press trip-ak (nazioarteko komunikabideetan erreportajeak idatziko dituzten kazetarientzat) eta ikuskapen bidaientzat, aisialdi zein MICE/ kongresu turismorako.

Hiriaren promoziorako garrantzitsuak dira horrelako ekintzak, hiria preskibatzen duten profesionalen aurrean hiria nabarmentzen baita; hala nola, turoperadoreak edo kazetari espezializatuak.

Joan den urtean 136 komunikabiderekin kolaboratu zen; 2016an, Europako Kultur Hiriburuari esker, komunikabideen interesa handitu egin da, eta, Donostia Turismotik esfortzu berezia egin da interes hori aprobetxatzeko. Hala, urtarriletik apirilera, 163 komunikabiderekin kolaboratu da jada (90 prentsa bidaien bidez eta 73 online, informazioa eta materiala bidaliz). Horri esker, Donostia, nazioarteko komunikabide eta bidai ranking garrantzitsuenetan nabarmendua izan da, besteak beste: The New York Times, The Financial Times, BBC, The Telegraph, The Daily Mail, The Guardian, Le Monde, Le Parisien, Le Figaro, L’Obs, Radio France, France2, The Evening Standard, The Independent, The Sunday Times, The Saturday Express Magazine, Elle, Fly Emirates, Korean Air, DB Mobil German Railways, Korean Herald, Lufthansa, Industry Magazine, The Scottsman, RST Serbian National TV, ORF Austrian National TV, Deutsche Welle TV, Russian TV, Frankfurten Zeitung, Berliner Zeitung, Fodor, Routard, Petit Futé, Lonely Planet, Condé Nast Traveller etab.

Donostia bidai sailkapen garrantzitsuenetan:

https://www.sansebastianturismoa.eus/es/tematico/turismo/2652-san-sebastian-en-el-top-10

Donostia komunikabideetan:

Azpimarragarrienak:

https://www.sansebastianturismoa.eus/es/tematico/turismo/2668-todos-recomiendan-san-sebastian

Zerrenda osoa:

https://press.sansebastianturismoa.eus/es/estamos-en/medios-de-comunicacion

Promoziorako gelak uzteaz gain, hitzarmenaren arabera Donostia Turismok antolatutako marketing ekintzekin bat egingo du Gipuzkoako Hotelak elkarteak: Irtenalditxoetako Plana eta horretarako kudeaketa lanabesak hobetzea (Donostia / Gipuzkoa erreserbak). Aurten, gainera, marketing arloan beste hainbat elkarlan egitasmo abian jartzea ere espero da; hots, eragile profesionalak edo ospeko komunikabideak erakartzea.

Azkenik, hitzarmenak MICE jarduerak ekartzeko bi eragileen arteko elkarlana ere sustatu nahi du. Hautagaitzak diseinatu eta aurkezteko prozesuan elkarrekin lan eginda hirira kongresuak eta bilera profesionalak ekartzeko aukerak gehituko dira. Donostia Turismo & Convention Bureau eta Gipuzkoako Hotelen azken hitzarmenetako emaitzetan hala ikusi da.

Hitzarmenak urtebeteko iraupena izango du, eta bi aldeek proposatu daitezkeen bestelako sustapen-ekintzak lantzeko elkarlanean aritzeko konpromisoa hartzen dute.

2016 urterako utzitako logela kopurua
Donostia Turismo- Gipuzkoako Hotelak erakundeen arteko hitzarmena:

San Sebastian Turismo & Convention Bureau-ko albiste gehiago