Donostia Turismoak turismo arloko estrategia berriei buruzko jardunaldia antolatu du
- Asteartea, 13 Apirila 2021
«Gertatzen ari dena kontatuko dizugu: Turismo estrategia errealitate berrian»
Lehen mailako adituek beren estrategiak covid-19ak eragindako egoera berrira nola egokitzen ari diren azalduko dute: Miguel Sanz, Turespañako zuzendaria; Daniel Solana, Basquetourreko zuzendaria; Jabier Larrañaga, Ekonomia Sustapena, Turismo eta Landa Inguruneko diputatua; Iker Goiria, Gipuzkoako Foru Aldundiko Turismo zuzendaria; Cristina Lagé, Turismo Jasangarriko zinegotzia; Isabel Aguirrezabala, Donostia Turismoko zuzendaria eta Lourdes Fernández, Artingenium-eko zuzendaria.
Asteazkenean, apirilaren 14an, egingo da « Gertatzen ari dena kontatuko dizugu: Turismo estrategia errealitate berrian» jardunaldia online eta modu presentzialean, Maria Cristina hotelean. Donostia Turismoko kide diren enpresei zuzenduta egongo da eta aurretik izena eman beharko dute.
Bizi dugun ezohiko egoerarekin lotuta, erakunde batzuk turismoa dinamizatzeko eta haien estrategia errealitate berrira egokitzeko prestatzen ari diren ekintza nagusiak aurkeztuko dituzte.
Ekimena Donostia Turismoak urtero antolatzen dituen « Taldea egiten » jardunaldien baitan kokatu behar dugu. Horien helburua da turismo-erakundearen estrategia eta jarduerari, eta gaurkotasunari buruzko informazioa ematea erakundearen bazkide diren enpresei. Gainera, turismo sektoreko enpresen artean kohesiorako eta networkingerako foro gisa ere baliagarria izango da.Cristina Lagé Turismo Iraunkorreko zinegotziak adierazi duenez, 'Taldea egiten' gure Gida Planaren funtsezko atala da. Donostia Turismoan beti gure bazkideengan pentsatuz lan egiten dugu, gure sektore turistikoaren funtzionamenduaren oinarria baitira, hau da, gure hiriaren ekonomiaren, kudeaketaren, kulturaren eta jasangarritasunaren oinarria. Orain inoiz baino beharrezkoagoa da azterketa sakon bat egitea, non gauden eta norantz goazen esateko, elkarrekin arraun eginez ".
Jardunaldian aditu esanguratsuek hartuko dute parte: Miguel Sanzek, Turespañako zuzendari nagusiak; Daniel Solanak, Basquetourreko zuzendariak; Jabier Larrañagak, Gipuzkoako Foru Aldundiko Ekonomia Sustapena, Turismo eta Landa Inguruneko diputatuak; Iker Goiria, Gipuzkoako Foru Aldundiko Turismo zuzendariak; Cristina Lagék, Donostiako Udaleko Turismo Jasangarriko zinegotziak; Isabel Aguirrezabalak, Donostia Turismoko zuzendariak eta Lourdes Fernándezek Artingenium-eko zuzendariak.
Bestalde, jardunaldian, Cristina Iglesias artistaren Hondalea proiektua aurkeztuko dute; hots, Donostia nazioartean posizionatzeko baliagarria izango den ekimen artistiko berria.