Hondarribiak Donostiaren eredua jarraitu du talde turistikoak arautzerakoan

Azteazkena, 14 Maiatza 2025

Hondarribiak, Donostiak hasitako bidea jarraituz, talde turistiko gidatuetan 25 pertsonako muga ezartzea erabaki du.

Frantziako mugan kokatutako Gipuzkoako Hondarribia herria, eskualdeko helmuga turistiko nagusienetako bat da, eta Donostiak 2024ean egin zuen bezala, talde turistikoen partehartzaile kopurua mugatuko ditu: 25 pertsona gehi gida izango da muga berria. Halaber, giden azalpenetan ere, megafonia erabiltzea debekatu dute.

Neurri hau Euskadik turismoaren kudeaketa arduratsuarekin duen konpromisoaren parte da, bisitari eta bizilagunentzat kalitatezko esperientzia jasangarria bermatzeko. Ildo horretan, Donostia izan da hiriaren turismo-fluxuen kudeaketarako arauak ezartzen aitzindaria.

Soinu-anplifikazioko sistemak (mikrofono irekiak, megafoniak…) erabiltzea debekatuz eta sistema indibidualak gomendatuz, bisitarien esperientzia hobetzea eta kutsadura akustikoa murriztea bilatzen da, bizilagunekin bizikidetza sustatuz.

Taldeen tamaina mugatzeak bisitarien esperientziaren kalitatea hobetzen laguntzen du eta plaza eta kaleetan pertsona multzo handiak elkartzea saihesten ditu.

Gainera, Donostian, talde turistikoekin lan egiten duten profesionalek (gidek, agentziek edo tour-operadoreek) jarduera egiteko baimena lortzeko urtero ardura-deklarazioa aurkeztu behar dute. Donostia Turismoko Araudia eta Baimenak atalean dago informazio guztia eskuragarri:

press.sansebastianturismoa.eus/eu/tramiteak/araudia-eta-baimenak

Epe laburrean beste euskal udalerri batzuk ere araudi mota honetara batzea aurreikusten da, turismoaren kudeaketa eta jasangarritasuna hobetzeko helburuarekin.